X
تبلیغات
حکیم ملا محمد فضولی
 رباعیلر (1)
رباعیلر (1)

 

سـاقـی کـرم ائـت شـراب گـلـفـام یــوروت،

گــلــفــام شــرابـا وئــرمــه آرام ، یــوروت.

بـزم ایـچـره حــبــاب اشـک گـلـگـونـومدان،


مین جام یوروتمه جان اوچون جام یوروت.

 

*****************

جانیمدا اولان ذخیره ی نطق و حیات،

جیسمیمده اولان جـوهر حسن حرکات.

صرف اولمادی محـبوبلارین عشقینده،

افسوس کـی بـیـهـوده کـئچـیردیم اوقات.

**************************

تعمیر بـقـاع و جـمع مال ائتدین ، توت،

هـر آرزو ائـتـدیـنـسه اونا یئتدین ، توت.

چون عمر بـقـاسـیـنـا توتولمـاز اومّــیــد،

هر حال ایله گلدیگین گیبی گئتدین توت.

لینک + مختاری - میانه یکشنبه بیست و نهم شهریور 1388  
 رمضان اولدو چكيب شاهد ِ مي پرده يه رو
رمضان اولدو چكيب شاهد ِ مي  پرده يه  رو ،

مي ايچون چنگ توتوب تعزيه ، آچدي گيسو

بيلدي مطرب كي نه دير حال ، گؤتوردو سازي ،

بزم دن چكدي اياغيني صُـراحي و سبو

بزم قانوني پوزولدو ، نه ايچون چنگ ايله دف؟

يئغيليب ائتمه يه لر حاكم ائشيگين ده غلو

رمضان آيي گـَرَگ  آچيلا جنت قاپي سي ،

نه روا كيم ، اولا ميخانه قاپي سي  باغلو

فتح ِ ميخانه ايچون اوخوياليم فاتحه لر ،

اولا كيم اوزوموزه آچيلا بير باغلي قاپو

آفتاب ِ قدح ائتمز رمضان آيي طلوع ،

نه بلادير بيزه يارب ، نه قرا گون دور بو؟

انتظار ِ مي ِ گلگون ايله بايرام آيي نا ،

باخه - باخه انه جك دير گؤزوموزه قره سو

رمضان اولدو ، بودور وهمي فضولي نين كيم ،

نئچه گون ايچمه يه مي ، زهد ايله ناگه توتا خو.

لینک + مختاری - میانه چهارشنبه بیست و پنجم شهریور 1388  
 واسقـني شربة ً بكف علـي

يار سـلـمـان و خـواجه قـنبـر                          

                                  والـي روضـه  ساقي كوثر

اولدورآئينه دار صورت حق                          

                                   نه وصي وارث نبي مطلق

ناظـم شـرع و سـاقي  كـوثـر                             

                                    باب شُـبـيـر و والـد شُـبــّر

ربـــنـــا  لا تـغــيـراً  اولــــي                             

                                   واسقـني شربة ً بكف علـي

لینک + مختاری - میانه جمعه چهارم اردیبهشت 1388  
 قطعه اي از ملامحمد فضولي 2

قطعه اي از ملامحمد فضولي ۲

الحـَمـدُ لِـمن اَناََر قـَـلـبـي وََ هـَـدا

والشكر لما فيه مِـن الشوق ِ بَدا

مـا اَمــدح ُ واهـبـاً  سـواهُ  ابــدا

لا اَشركُ فـي ثـنـاء ربـي اَ حَــدا

لینک + مختاری - میانه چهارشنبه نوزدهم فروردین 1388  
 قطعه اي از ملامحمد فضولي 1

قطعه اي از ملامحمد فضولي ۱

دوشدوم نفـَسدن اولمادي بير هم نفس منه
اي عيسوي نفس سن اوزون وير نفس منه

مجنون كيمي بو دهرده اي يار ليلي وش
بالين استراحت اولوب خار و خس منه

نالم ايدوبدور اوقدر تاثير داغ داشا
داغ داش من آغلياندا ويرور ايندي سَس منه

فضولي كئچ سن بو سوداي عشقدن
جان قور خوسي وار او مه لقا لردن سنه

لینک + مختاری - میانه یکشنبه شانزدهم فروردین 1388  
 ائتمه داهي

اي گؤز، ا ُول نرگس خونخواره، نگاه ائتمه داهي،

روزگاريم ، غم هجرايله سياه ائتمه داهي.

اي گؤزوم ياشي ، بو سرگشته ليگين ، تركين قيل،

سرو قامت لره قطع ِ سر ِ راه ائتمه داهي.

اي كؤنول عمرومو وئردين يئله ، عاشق ليگ ايله،

باخما هرغنچه لب وگلرخه، آه ائتمه داهي.

باخـما اي جـان ، خـط ِ  رخساريـنه  محبوب لـرين،

احتياط  ايله ، گناه اوزره گناه ائتمه داهي.

قـيـلـما اي عشق منه عـرضه  پـري  چـهــره لـري،

صورت حاليمي  لهو ايله تباه  ائتمه داهي.

گـؤتـور اي نـفـس ، هـوا و هــوســيـن  عــالـَـم دن،

هرزه - هرزه طلب رفعت جان ائتمه داهي.

اي((فـضـولـي)) مـي و محبوب مـذاقـيـن تـرك ائت،

ئوزونو عـاصـي درگـاه  اله  ائتمه  داهي

لینک + مختاری - میانه چهارشنبه دوازدهم فروردین 1388  
 آنـا سـئچـمـز قارادان آغی!

مرهـم قـویـوب اونارما سینـَمده قانـلی داغی

سؤندورمه ، ئوز الینله یاندیردیغین چیراغی!

اولموش جـنـونا مـایـل ، ابرونا دئـر مـه نـو

نه اعـتـبـار آنـا کـیـم سـئچـمـز قارادان آغی!

قـدّین غمینده سروین سورماغا ضعفِ حالین

گـلـزاردان کـسـیـلـمـز ایـرمـاقـلاریـن آیـاغـی

دُر تک دیشین سؤزونوهر دم ائشیتمک ایستر

بـحـریـن مُـدام آنینچون ساحـلـده دیر قولاغی

زولـفـو سـیـه صنملر اولموش سنین اسیرین

عشقینده هر بیری نین ئـوز زلفو بوینو باغی

گر مشک دئرسه عاشق اول بوی زولفه ساقی

تـُند اولما بیر قدح وئریر ، تر ائیله سین دماغی

دؤران حـوادثـیـنـدن یـوخ بـاکـیـمـیـز فـضـولی

دارالامـانـیـمـیـزدیـر مـئـیـخـانـه لـر بـوجـاغـی.

ماخذ : دیوان اشعار ترکی حکیم ملا محمد فضولی
محمدبن سلیمان فضولی بیاتلی 900 - 963 ق.
تصحیح، تحشیه و مقدمه : دکتر حسین محمدزاده صدیق
نشر اختر تبریز

لینک + مختاری - میانه چهارشنبه پنجم فروردین 1388  
 غزل - حکیم ملا محمد فضولی

ای گول!  نه عـجـب سلسله ی مشک تـرین وار!

وی سرو! نه خوش جان آلیجی عشوه لرین وار!

آجـیـتـدی بـنـی آجـی  سـؤزون ،  تـنـد نـگـاهـیـن

ای نـخـل مـلاحـت! نـه بـلا تـلـخ بـریـن وار!

پئیکانلاری ایـلـه دولـودور چـشـم پـر آبـیـم،

ای بحر! سانیرسان سنین آنجاق گهرین وار؟

اول سنگدله ناله ی زارین اثر ائتمیش،

ای دل سنه بـوذؤوق یئتر تا اثرین وار.

عشق ایچره کؤنول دئمه کی من بیخودم آنجاق،

ای غافیل! ئوزوندن سنین آنجاق خبرین وار!

چوخ باخدیغی نین غمزه ایله باغرین اوزرسن،

هر کیمه کی باخمازسان، اونونلار نظرین وار!

عشق اهلینه اول ماه ، فضولی! نظر ائتمیش،

سن هم ئوزونو گؤستر، اگر بیر هنرین وار!

منبع : دیوان اشعار ترکی حکیم ملا محمد فضولی
محمدبن سلیمان فضولی بیاتلی 900 - 963 ق.
تصحیح، تحشیه و مقدمه : دکتر حسین محمدزاده صدیق
نشر اختر تبریز

لینک + مختاری - میانه سه شنبه بیست و هفتم اسفند 1387  
 اوجالدين قبريمي

اوجالدين قبريمي اي بي درد لر، سنگ ملامت دن

كي معلوم اولا درد اهلينه قبريم ، ا ُول علامت دن

مزاريم اوزره قويمان ميل اگر كويون دا جـان وئـرسـم

قويون بير سايه دوشسون قبريمه ا ُول سرو قامت دن

گؤرَن ساعت ده ا ُول قامت قيامين ، قئيماديم جانه

قيامت هم گـلـَه ، قورتـارمـارام مـن بـو نـدامـت دن

قيامت ده حسابي اولمايان لاردان دير ا ُول غافل

كي فـرق ايـلـر فراقين شاميني ، صبح قيامت دن

طريق صبر و  تدبير ِ سلامت  لـذتـيـن  بيـلمَـيـن

منه عشق و ملامت يئي گلير صبر و سلامت دن

طبيعت انحرافين گـؤر هـواي  عـشـق  دن تن ده

علاج ائت دوشمه دن ساقي مزاجيم استقامت دن

فضولي كئچ سلامت كوچه سين دن ، صبر كويون دان

فـراغـت اولـمـايـان يـئـرده ،  سـفـر يئي ديـر اقامت دن

 

لینک + مختاری - میانه یکشنبه بیست و پنجم اسفند 1387  
 سلام و صلوات ، غزل تركي - عربي از فضولي
وصلين منه حيات وئرَر ، فرقتين ممات

سبحان خالِـقـي خَـلـَـقَ الـموت و الحيات

هجرانـيـنـه تـحـمـل ائـدن وصليني تاپـيـر

طوبي لـِمَـن يُـساعده الصَـبـر و الـثــُـبات

مهرين ديـر آفـتـاب مقاصد وسـيـله سـي

مــاشـا مــن اراد بــه الـفـوز و الـنـجـات

تؤكموشْ رياض طـبعـيـمه باران شوقونو

من اَنـزل الـمـيـاه و اَحـيـي بـهـا الـنـبـات

حـق آفـريـنـشـه سـبـب ائـتـدي وجـودونـو

اوجـيـتَ بـالـظـهـور ِ ظـهـور الـمـكـونـات

ايـزد سـريـر حُـسـنـه سـنـي قيلدي پادشاه

اعـلي كـمـال ذاتـك فـي احـسـن الـصـفـات

قـيـلـديـن اداي نـعـمـتْ فـضـولي تمام قـيـل

كَـلـّـمـتَ  بـالـسـلام  و تَـمّـمتَ بــالـصـلات

حكيم ملا محمد فضولي ( 1558-1498 ميلادي) شاعر سه زبانه

منبع : ديوان ترکی فضولي با ويراستاري ناصرقمري - انتشارات فخر آذر

لینک + مختاری - میانه شنبه بیست و چهارم اسفند 1387